Bespreek asseblief per epos, SMS of telefoon minstens 24 uur vooraf. Die ingangshek word gesluit en daar is nòg by die hek, nog elders op die plaas telefoonontvangs.

Die padaanwysings is op die hoofblad beskikbaar. Druk asseblief die aanwysings uit en moenie op GPS alleen staatmaak nie. Daar is geen telefoniese hulp vir verdwaaldes nie.

Aktiwiteite

Dagbesoekers is welkom op Deelfontein. Die tarief is R120 per persoon, en sluit die gebruik van die roetes en die boskamp in.

	Swem in die groot 15 meter swembad, toegerus met kleedkamers vir mans en dames en 'n ontspanningsarea met braaiplek.
	Fietsry op die opwindende bergfietsroete van meer as 30 km oor grondpad, plaaspaaie, eenspoorpaaie en moeilikheidsgrade van ontspannend tot uitdagend tegnies. Kyk elders op hierdie webwerf vir inligting.
	Daguitstappies - op Deelfontein bied ‘n groot verskeidenheid van korter en langer dagroetes geleentheid om die omgewing te voet te verken. Vir ‘n volledige beskrywing van hierdie roetes, kliek hier. Die staproetes is ideaal vir diegene wat op uitdagende terrein wil draf.

Die Meteoriet Staproetes is ‘n netwerk van meer as 60 km van voetslaanpaaie met drie oornagtingskampe, waarvan die boskamp op Deelfontein een is.

Voëlkyk is op Deelfontein en in die hele Koepel-omgewing moontlik. Vir ‘n volledige lys van voëlspesies wat al in die Koepel aangeteken is, kliek hier.

Boomuitkenning en algemene natuurstudie van ander plante, reptiele en ander diere is in die omgewing moontlik. Bring gerus u veldgidse saam! Vir ‘n volledige boomlys, kliek hier.

Sterrekyk-uitstappies. Die helder sterrehemel vêr van die ligbesoedeling in die stede is steeds ‘n verrassing vir besoekers wat lank laas die melkweg gesien het. Op Deelfontein is 'n toegeruste sterrewag, waar begeleide sterrekykaanbiedinge moontlik is. Dit is noodsaaklik om lank vooraf te reël; kontak die eienaar.

Daar is verskeie moontlikhede om Parys vir perdry. Inligting is by www.parys.co.za beskikbaar.

In die Koepel bied verskillende produkeienaars ‘n ryk verskeidenheid aan aktiwiteite: Vlieghengel, Witwaterkanovaarte op die Vaalrivier, en veel meer. Raadpleeg www.parys.co.za vir meer besonderhede.